चालू घडामोडी : ८ डिसेंबर २०१७

• भारताला आण्विक पुरवठादार गटाचे (एनएसजी) सदस्यत्त्व न देण्याच्या भूमिकेवर आम्ही अजूनही ठाम असल्याचे चीनकडून स्पष्ट करण्यात आले.
• चीनच्या परराष्ट्र मंत्रालयाचे प्रवक्ते गेंग शुआंग यांनी 7 डिसेंबर रोजी बीजिंगमध्ये पत्रकारांशी बोलताना याविषयीची भूमिका स्पष्ट केली.
• काही दिवसांपूर्वीच रशियाचे उप-परराष्ट्र मंत्री सर्जी रॅबकोव्ह यांनी भारताला NSGचे सदस्यत्त्व मिळवून देण्यासाठी चीनशी चर्चा करू, असे आश्वासन दिले होते. या पार्श्वभूमीवर चीनकडून हे वक्तव्य करण्यात आले.
• विविध देशांच्या सरकारांमध्ये पारदर्शक व सुयोग्य पद्धतीने चर्चा होऊन एकमताने निर्णय घेतला जाण्याच्या NSGच्या कार्यपद्धतीला चीनचा पाठिंबा असल्याचेही गेंग शुआंग यांनी सांगितले.
• आण्विक पुरवठादार गटाचा महत्त्वपूर्ण सदस्य असलेला चीन सातत्याने भारताला या गटात घेण्याला विरोध करत आहे. भारताने अण्वस्त्रप्रसार करारावर स्वाक्षरी केली नसल्यामुळे आपला भारताच्या सदस्यत्त्वाला विरोध असल्याचे चीनचे म्हणणे आहे.
• एनएसजीचे सदस्यत्त्व मिळवण्यासाठी गटातील 48 देशांपैकी प्रत्येक सदस्याची परवानगी मिळणे आवश्यक आहे. या एका नियमामुळे चीनने गेल्या अनेक वर्षांपासून भारताचा NSG मधील प्रवेश रोखून धरला आहे.

• तब्बल सहा दशकानंतर म्हैसूर संस्थानच्या यदूवंशाला पुत्रप्राप्तीझाली आहे. राणी त्रिषिका कुमारी यांच्या पोटी पुत्ररत्नाचा जन्म झाला आहे. त्यामुळे राजमाता प्रमोदादेवी व राजा यदुवीर यांचा आनंद व्दिगुणीत झाला आहे.
• बंगळुरातील इंदिरानगरातील खासगी रुग्णालयात राणी त्रिषिका कुमारीयांनी 6 डिसेंबर रोजी रात्री 9-50 वाजता राजवंशाच्या पुत्राला जन्मदिला. राजमाता प्रमोदादेवी व राजा यदुवीर जातीने बाळाची व बाळाच्या आईची काळजी घेत आहेत. यापूर्वी 1953 मध्ये श्रीकंठदत्त नरसिंहराज वडेयर यांचा राजघराण्यात जन्म झाला होता. त्यांनंतर आजवर राजघराण्याला पुत्रप्राप्ती झाली नव्हती. त्यामुळे राजमाता प्रमोदादेवी यांनी यदूवीर यांना राजघराण्याचा उत्तराधिकारी म्हणून दत्तक घेतले होते.
• तसेच त्रिषिका कुमारींना पुत्रप्राप्ती झाल्याचे समजताच म्हैसूर येथील राजवाडा व म्हैसूर शहरातही आनंदोत्सव साजरा करण्यात आला. राजा यदुवीर यांच्यावर राज्यभरातून अभिनंदन व शुभेच्छांचा वर्षाव होत आहे.

• डॉ. बाबासाहेब आंबेडकर मराठवाडा विद्यापीठाच्या अधिसभा निवडणुकीत दुसऱ्या टप्प्यात राष्ट्रवादी काँग्रेसचे आमदार सतीश चव्हाणप्रणित उत्कर्ष पॅनलच्या उमेदवारांची विजयी घौडदौड सुरू आहे. राखीव प्रवर्गातील 5 जागांचे निकाल 8 डिसेंबर रोजी सकाळपर्यंत जाहीर झाले. यातील 5 ही जागा उत्कर्ष पॅनलच्या उमेदवारांनी मोठ्या फरकाने जिंकल्या आहेत. अखिल भारतीय विद्यार्थी परिषदेच्या राखीव प्रवर्गातील उमेदवारांना दारुण पराभव स्वीकारावा लागला.
• उत्कर्ष पॅनलच्या विजयी उमेदवारांमध्ये अनुसूचित जाती प्रवर्गात प्रा. सुनील मगरे, अनुसूचित जमातीमध्ये सुनील निकम, ओबीसींमध्ये सुभाष राऊत, व्हीजेएनटी गटात संजय काळबांडे आणि महिला गटात शीतल माने यांनी विद्यापीठ विकास मंचाच्या उमेदवारांवर दणदणीत विजय मिळवला आहे.

• राज्यातील यिन परिवाराची उत्सुकता शिगेला पोचलेल्या यिन मंत्रिमंडळाची घोषणा 7 डिसेंबर रोजी विधान परिषदेचे सभापतीरामराजे निंबाळकर यांनी केली.
• यशवंतराव चव्हाण प्रतिष्ठानच्या सभागृहात सुरू असलेल्या 'यिन'च्या नेतृत्व विकास परिषदेच्या समारोपाच्या अखेरच्या सत्रात ही घोषणाकरण्यात आली.
• नाशिक शहर मतदारसंघातील तेजस पाटील यांची मुख्यमंत्री म्हणून निवड झाली आहे. सोलापूरचे नंदकुमार गायकवाड उपमुख्यमंत्री म्हणून निवडून आले.
• यिनच्या नेतृत्व विकास परिषदेच्या दुसऱ्या दिवशी मुख्यमंत्री निवडीसाठी ऑनलाईन मतदान घेण्यात आले. 7 डिसेंबर रोजी परिषदेच्या अखेरच्या सत्रात मंत्रिमंडळाची घोषणा झाली. त्यानंतर सभापती आणि उपसभापति पदासाठी मतदान झाले. हात उंचावून घेण्यात आलेल्या मतदानामध्ये ऋषिकेश सकनूर यांची सभापती म्हणून निवड झाली. उपसभापतीम्हणून स्मितेश म्हात्रे यांची निवड घोषित करण्यात आली.

• 8 डिसेंबर हा दिवस 'जागतिक मतिमंद पुनर्वसन दिन' म्हणून पाळलाजातो.
• पॉपय कार्टून चे निर्माते 'ई.सी. सेगर' यांचा 8 डिसेंबर 1894 हा जन्मदिन आहे.
• जगद्विख्यात भारतीय नर्तक 'उदयशंकर' चौधरी यांचा जन्म 8 डिसेंबर 1900 मध्ये झाला.
• 8 डिसेंबर 1985 मध्ये सार्क परिषदेची स्थापना झाली.

युनेस्कोकडून कुंभमेळा सांस्कृतिक वारसा म्हणून घोषित

• शेकडो वर्षांच्या परंपरा लांबलेल्या भारताच्या कुंभमेळ्याला युनेस्कोकडून मानवतेचा अमूर्त सांस्कृतिक वारसा म्हणून घोषितकरण्यात आले आहे.
• कुंभमेळा हा भारतातील एक श्रद्धेचा विषय असून, आता त्याचा युनेस्कोच्या अमूर्त सांस्कृतिक वारश्यांच्या यादीत समावेश झाला आहे.
• दक्षिण कोरियातील जेजू येथे ४ ते ९ डिसेंबरदरम्यान पार पडलेल्या युनेस्कोच्या बैठकीमध्ये कुंभमेळ्याला हेरिटेज यादीत समाविष्ट करण्याचा निर्णय घेण्यात आला.
• या यादीत बोस्वाना, कोलंबिया, व्हेनेझुएला, मंगोलिया, मोरक्को, तुर्की आणि संयुक्त अरब अमिराती येथील सांस्कृतिक कार्यक्रमांचा समावेश आहे.
• ‘योग’ आणि ‘नवरोज’ यांच्यानंतर सांस्कृतिक वारसा यादीमध्ये समाविष्ट झालेला ‘कुंभमेळा’ तिसरा वारसा आहे.
• युनेस्कोच्या विशेष समितीच्या मते, हा महोत्सव खूपच मोठा आणि शांतीपूर्ण पद्धतीने साजरा केला जातो. भूतलावर हा यात्रेकरुंचा सर्वात शांतीपूर्ण मेळा आहे.

रोनाल्डोला पाचव्यांदा ‘बॅलन डी ऑर’ पुरस्कार

• पोतुर्गालचा स्टार फुटबॉलपटू क्रिस्तियानो रोनाल्डो याने पाचव्यांदा वर्षातील सर्वोत्कृष्ट फुटबॉलपटूचा ‘बॅलन डी ऑर’ हा मानाचा पुरस्कार पटकाविला आहे.
• या पुरस्काराच्या शर्यतीत अर्जेंटीनाचा मेस्सी हा दुसऱ्या तर ब्राझीलचा नेयमार हा तिसऱ्या क्रमांकावर राहिला.
• रिअल माद्रिदच्या रोनाल्डोने सलग दुसऱ्या पुरस्कारासह सर्वाधिक वेळा हा पुरस्कार पटकावणाऱ्या बार्सिलोनाच्या लियोनेल मेस्सीशी (५ पुरस्कार) बरोबरी साधली आहे.
• रोनाल्डो यापूर्वी २००८, २०१३ , २०१४ आणि २०१६ साली या पुरस्काराचा मानकरी ठरला होता.
• त्याने मागील मोसमात सर्व स्पर्धांमध्ये मिळून ४२ गोल नोंदवले. त्याचप्रमाणे युरोपियन वर्ल्ड कप पात्रता फेरीमध्येही त्याने १५ गोल केले.
• चॅम्पियन्स लीगच्या गेल्या सत्रात रोनाल्डो गोल नोंदवण्यात अव्वलस्थानी होता. त्याच्या जोरावर माद्रिदने चॅम्पियन्स लीगचे विजेतेपद पटकाविले होते.
• त्याचप्रमाणे, ला लीगा स्पर्धेतही त्याच्या नेतृत्वाखाली रियाल माद्रिदने विजेतेपद निश्चित केले होते.
• फुटबॉलच्या मैदानातील प्रतिष्ठित पुरस्काराशिवाय रोनाल्डोने यावर्षी ‘प्लेअर ऑफ द इयर’ हा पुरस्कार देखील पटकवला आहे.